#bookreview
#រើសយកក្ដីសុខ
និពន្ធដោយ #លឹមសន្តិភាព
កម្រាស់សៀវភៅ ២១២ទំព័រ
រើសយកក្ដីសុខ ជាសៀវភៅបែបអភិវឌ្ឍន៍ខ្លួននិងលើកទឹកចិត្ត ស្នាដៃរបស់ លឹម សន្តិភាព អ្នកនិពន្ធ ។ សៀវភៅមួយក្បាលនេះរបស់បងភាព ខ្ញុំបានអានហើយពេញចិត្តជាខ្លាំងចំពោះរបៀបសរសេរពន្យល់របស់គាត់។
រើសយកក្ដីសុខ សរសេរឡើងតាមបែបទស្សន:ដែលមានលក្ខណៈប្រាកដប្រជា ហើយវាជាសារដាស់តឿនទៅកាន់អ្នកអានរបស់ លឹម សន្ដិភាព។ ក្នុងនោះ អ្នកនិពន្ធបង្ហាញជារបៀបវគ្គៗ ដោយចែកជា១៤វគ្គ គឺ១៤ថ្ងៃសម្រាប់ស្វែងយល់។ សៀវភៅនេះដឹកនាំការគិតនិងបណ្ដុះគោលដៅជីវិតឱ្យអ្នកអាន យោងលើទស្សនៈរបស់អ្នកប្រាជ្ញល្បីៗ និងតាមបទពិសោធន៍ជីវិតផ្ទាល់ខ្លួនរបស់អ្នកនិពន្ធ។ គោលបំណងរបស់អ្នកនិពន្ធ គឺមិនមែនសរសេរបែបលួងលោមដូចចាស់លោមក្មេងឱ្យស្ករគ្រាប់ទេ គឺប្រៀបដូចបងស្រីដាស់តឿនប្អូនឱ្យស្វាងពីភាពរវើរវាយគ្មានគោលដៅក្នុងជីវិតឱ្យស្គាល់ពីខ្លួនឯង និងចេះចាត់ចែងគោលដៅឡើងវិញ។
ការយល់ឃើញជារួមរបស់ខ្ញុំ ក្រោយពីបានអានសៀវភៅនេះហើយ ខ្ញុំគិតថា មនុស្សដែលស្ថិតក្នុងវ័យ២០ឆ្នាំ ហើយយល់ថា ការរស់នៅមិនមានន័យ គួរស្វែងរកសៀវភៅមួយក្បាលនេះអាន។ ខ្ញុំជឿថាសៀវភៅនេះនឹងជាចំណែកតូចមួយ ក្នុងការកសាងផ្លូវចិត្តអ្នកអាន។ ខ្ញុំនឹងណែនាំឱ្យកូនៗដែលកំពុងឈានទៅពេញវ័យខ្ញុំឱ្យអានដែរ។
ដោយក្តីស្រលាញ់
ពីអ្នកអានម្នាក់
ម៉ាក់ស្រីតូចបីនាក់
ភរិយានិងម្ដាយម្នាក់ 
available at shop store?
ចូលចិត្តចូលចិត្ត
មានលក់នៅបណ្ណាគារ ស្រលាញ់សៀវភៅ បណ្ណាគារម៉ាយហូមទួលគោក និងហាងអនឡាញ ផ្សេងៗ
ចូលចិត្តចូលចិត្ត