«ថ្ងៃនេះម៉ាក់អាបីនាក់ មានរឿងប្លែកៗចង់កត់ទុក គ្រាន់បានមើលសើចលេងពេលអផ្សុក…»
កូននាងរបស់ខ្ញុំ កាលពីឆ្នាំទៅបានដកធ្មេញមុខពីរចេញ ដោយសារវារង្គើនិងធ្វើអោយឈឺ ពិបាកញ៉ាំអាហារ។ ធ្មេញពីរខាងលើនេះ ដកចេញតាំងពីអាពេជ្រនៅក្នុងពោះ៦ខែម្ល៉េះ មិនឃើញវាដុះមកសោះ នាងនាងចេះតែឧស្សាហ៍សួរថា ពេលណាបានធ្មេញគេដុះវិញ ម៉ាក់ ក៏មិនដឹងឆ្លើយថាម៉េចដែរ 😕 ។ ពេលនេះ ធ្មេញនាងនាង ចាប់ផ្ដើមដុះ ចេញហើយ គឺមកម្ដងទាំងពីរទន្ទឹមគ្នាតែម្ដង ក្រោយពេលដែលម្ចាស់វាត្រូវគេ ហៅថា «យាយក្រហ៊ុប»អស់រយៈពេលមួយឆ្នាំ 😳 ។ ឥឡូវនេះ នាងនាងហ៊ានញញឹមស្ញេញចេញធ្មេញអោយម៉ាក់ថតរូបហើយ 😀 😀 😀
និយាយពីនូនូក្បាលខូចម្ដង។ មានថ្ងៃមួយនោះ នូនូចុះពីលើផ្ទះ យំបណ្ដើរ 😥 រៀបរាប់បណ្ដើរប្រាប់ម៉ាក់ដែលកំពុងនៅផ្ទះបាយ…
នូទូលពិតម៉ាក់ថា៖ ម៉ាក់អើយ ពូឌូ(ប្អូនពៅខ្ញុំ) សំឡុតនូហ៎ក ហ៊ីៗៗ 😥
ម៉ាក់៖ ពូឌូស្ដីអោយកូនរឿងអី?
នូ៖ ពូឌូ អត់អោយនូញ៉ាំនំ ទេ 😥
ម៉ាក់៖ ម៉េចបានពូឌូអត់អោយកូនញ៉ាំ?
នូ៖ ពូឌូថាអោយនូញ៉ាំបាយវិញ 😥
ម៉ាក់៖ ចុះឥឡូវជិតដល់ម៉ោងញ៉ាំបាយហើយ កូនកុំញ៉ាំនំអី 😐
នូ៖ ចុះពូឌូចាំបាច់ស្ដីអោយនូធើ្វអី និយាយធម្មតាក៏នូស្ដាប់បានដែរ ម៉ាក់ឯងចាំស្ដីអោយពូឌូផង
ម៉ាក់៖ 😕 😕 😕 🙄 ចាស(ឆ្លើយអោយរួចពីមាត់ព្រោះកំពុងរវល់ស្លស្លុក) មួយសន្ទុះក្រោយមក ពូឌូក៏ចុះមកដល់ផ្ទះបាយមែន…
នូ៖ ម៉ាក់ ពូឌូមកហើយនោះ
ម៉ាក់៖ 😕 😎 (ម៉ាក់រវល់ពេកភ្លេចរឿងនូប្ដឹងបាត់ហើយ តែនូនៅចាំមិនភ្លេចទេ)
នូ៖ ម៉ាក់ស្ដីអោយពូឌូហូវ..
ម៉ាក់៖ ពូឌូហា៎ ពូឌូឯងឈប់សំលុតនូនូណា គ្រាន់និយាយធម្មតាក៏នូស្ដាប់បានដែរ ឮនៅ?
ពូឌូ៖ 😕 😕 😕 😯
នូអើយនូ! នូឯងចំជារកលេខដាក់គ្មានមែន…
ចុងក្រោយគេ គឺរឿងអាពេជ្រ នាងតូចជាងគេ។ អាយុទើប៨ខែសោះ ពេលឃើញអ្នកណាដូរខោអាវរៀបចេញដំណើរ យំតាមគេភ្លែត។ កាលពីថ្ងៃរសៀល ម៉ាក់បានបបួលនាងនិងនូ ថាអោយទៅងូតទឹក ទៅដើរផ្សារសុវណ្ណាបីនាក់ម៉ែកូន ទុកអាពេជ្រអោយនៅផ្ទះជាមួយមីងខ្ញុំ ពីព្រោះអាពេជ្រងងុយគេងហើយ ដល់ម៉ោងត្រូវគេងថ្ងៃ។ អាពេជ្រឮម៉ាក់ដេញ អា២នាក់នោះអោយងូតទឹក អត់ព្រមបៅគេងសោះ គិតតែងើបតាមមើលបងវា 🙄 លុះ២នាក់នោះគេស្លៀកពាក់ហើយ ម៉ាក់ក៏ដេញអោយចុះទៅចាំមុន ចាំប្អូនដេកចាំម៉ាក់ចុះទៅតាមក្រោយ… ពេលបងចុះក្រោមបាត់អាពេជ្រក៏គេងលក់។ ម៉ាក់ក៏ប្រញាប់ភ្លែត ចេញភ្លាម ដោយផ្ដាំមីងអោយចូលទៅមើលចៅ។ ពេលដែលត្រឡប់មកដល់ផ្ទះ មីងប្រាប់ថា បីនាក់ម៉ែកូនយើង ចេញផុតតែបន្តិច អាពេជ្រភ្ញាក់ដែរ ងើបអង្គុយឆ្ងក់ងាកឆ្វេង ស្ដាំរកមើលម៉ាក់និងបងៗ 🙄 ដល់អត់ឃើញ អាពេជ្រយំវ៉ាៗៗ ដូចគេក្តិច 😥 😥 😥 (បែបឈឺចិត្តថា៖ឯងដេកតែម៉ាភ្លែតសោះ គេលួចទៅចោលបាត់ បែបអត់ដឹងថាបេប៊ីហ្នឹងក៏ចង់ដើរលេងដែរទេហី!!) មីងខ្ញុំលួងមិនបាត់សោះ ទាល់តែពរចេញពីបន្ទប់ ដាក់រុញរទេះយូរណាស់ទំរាំបាត់យំ។
ជីវិតម៉ាក់អាបីនាក់វិលទៅមកតែរឿងកូនប៉ុណ្ណឹងឯង ឯវំ 😀 😀 😀
ហ៊ឹម អូយវិលមុខ !!! បែបទៅមិនរួចទេខ្ញុំ !
ចូលចិត្តចូលចិត្ត
ម៉េចប្រញាប់រាថយម្ល៉េះប្អូនកាម៉ាប់ៗ
ចូលចិត្តចូលចិត្ត
បែបត្រូវយក ១០ ឆ្នាំមួយហើយមើលទៅ ហេហេហេ
ចូលចិត្តចូលចិត្ត
ដប់ឆ្នាំមួយ ចឹងបែបចង់បានតាមួយហ្នឹងហេ៎?
ចូលចិត្តចូលចិត្ត
ហ៊ើយម៉េចហ៊ានយកញឹកនោះ
ចូលចិត្តចូលចិត្ត
ស្រឡាញ់កូនមិនស្មើ ! ឈឺចិត្តជំនួសអាពេជ្រណាស់ កូនគេម្នាក់ដែរ គេអត់យកទៅជាមួយ ។ ចាំមើលតែធំឡើងទៅណាមកណា គ្មានបបួលម៉ាក់ទេ ចាំមើលទៅ !
ចូលចិត្តចូលចិត្ត
បើយកទៅទាំងបី ម៉ាក់ហ្នឹងមុខតែឡាប់មិនខានទេ គ្រាន់តែ២នាក់ហ្នឹងឡើងចេចចាចពេញផ្សារ ចង់វិលមុខអ្នកលក់ហើយ ហេហេហេ
ចូលចិត្តចូលចិត្ត
ដល់តែធំបន្តិចទៅលែងចង់ឡាប់ហើយ 😀
ដូចបងសុធាលែងពិបាកហើយ ប្រឹងតែរកទុកឱ្យកូនរៀនទេ
ចូលចិត្តចូលចិត្ត
លែងពិបាកមែនអីបងសុធា?
ចូលចិត្តចូលចិត្ត
ហាសហា សប្យាយដល់ហើយបង លេងបិទពួនជាមួយកូនពៅ!!! សុំលេងដែរ??
ចូលចិត្តចូលចិត្ត
នរណាថាអាពេជ្រជាកូនពៅ!!! ហេហេហេហេ
ចូលចិត្តចូលចិត្ត
ប្រុងយកប៉ុន្មានទៀតហ្នឹង? តាម៉ាប់វិលមុខរកថ្នាំលេបហើយណា៎! ហ្នឹងគ្រាន់តែស្តាប់ការរៀបរាប់ផងវិលមុខទៅហើយ ចុះពេលមានមែនទែននោះ?
ចូលចិត្តចូលចិត្ត
មិនហ៊ានថាពៅទេ ខ្លាចមានអាប៉ូចទៀតនោះធ្វើម៉េចទៅ?!! នាំខ្មាសមាត់ទេ ខំអួតថា អត់យកៗ ស្រាប់តែផ្លឺមៗមួយទៀត ហេហេហេ
ចូលចិត្តចូលចិត្ត
អីយ៉ា និយាយចឹងមានន័យថាបងចង់បង្កើនកំណើនប្រជាជនទៀតមិនមែន??
ចូលចិត្តចូលចិត្ត
មិនហ៊ានថាអត់ទេចា៎ស ក្រែងវាលាប់ដូចកាលមានអាពេជ្រ
ចូលចិត្តចូលចិត្ត
ហាសហា…!
ចូលចិត្តចូលចិត្ត
និយាយអីចេះខុស ឃើញទេ មិនទាន់ដឹងអីផង ចង់បានមួយទៀតហើយ ។ កូនបងលែងពិបាកហើយព្រោះគេធំ ៗ អស់ហើយ ពិបាកនោះគឺស្ងាត់ពេក ប៉ុន្មានថ្ងៃនេះស្ងាត់ពេកប៉ាគេខានស្តាប់សំឡេងកូនយំយូរហើយនោះ មានអីញ៉ោះកូននីតាឲ្យយំ ដល់ទៅយំហើយនាំគ្នាអង្គុយសើច … ព្រោះខានឃើញកូនយំយូរហើយ ។
ចូលចិត្តចូលចិត្ត
ហាហាហា ណ្ហើយចុះកុំនិយាយរឿងខ្ញុំចង់បានឬមិនចង់អី បើមានវាសនាគង់តែក្មេងវាមកនៅទេ និយាយរឿងបងវិញទៅ ចាញ់ដេប៉ាខ្ញុំហើយទើបបានចាបញ៉េបៗតែ២នាក់ហ្នឹង ល្មមគិតគូររកប្អូនអោយអា២នាក់ហ្នឹងហើយ ក្រែងបានប្រុសមួយកាច់ម៉ាក់អាបីនាក់ណាបង ម្យ៉ាងបងប្រុសបែបចង់បានមួយទៀតដែរហើយ បានញ៉ោះនីតាអោយយំនោះ 😀 😀 😀
ចូលចិត្តចូលចិត្ត
ជួយអត់បានទេ ! មិនមែនចាបញ៉េបទេចាស ចាបធំអស់ហើយ ។
ចូលចិត្តចូលចិត្ត
ចាបធំអស់ហើយបានជាត្រូវរកចាបតូចៗមកអោយបានអ៊ូអរណាបង
ចូលចិត្តចូលចិត្ត
ត្រឹមត្រូវ!
ទាំងពីរនាក់ហ្នឹងខ្ញុំដឹងហើយ កំពុងតាមរកប្រុសដូចតែគ្នារ៉េ មិនបាច់មកលើកដាក់គ្នាឡើយ 😀
ចូលចិត្តចូលចិត្ត
អ្នកអត់ទាន់មានចំណងប្រាំប្រការ ឮគេនិយាយរឿងកូនមិនបានហេ៎ បែបចង់បានដែរហ្នឹងណា 😀 😀 😀
ចូលចិត្តចូលចិត្ត
ចង់មែនហើយ តែបានត្រឹមតែចង់ចឹងឯង ដល់តែមានពិបាកពេក បែបបាយៗហើយមិនដឹង!
ចូលចិត្តចូលចិត្ត
មិនមែនតែបងទេចង់បាយៗ ខ្ញុំក៏ចង់បរបរម្ដងៗដែរ
ចូលចិត្តចូលចិត្ត