Category Archives: វិជ្ជាមេផ្ទះ

វិជ្ជាមេផ្ទះ៖ គុយទាវឆាបែបថៃ (ផាត់ថៃ)


តាមធម្មតា ខ្ញុំចូលចិត្តគុយទាវឆាបែបខ្មែរយើង ដែលឆាបែបសាប ហើយស្រូបទឹកត្រីបុកនិងសណ្ដែកដីជាង តែពេលខ្លះ ខ្ញុំក៏ចង់ប្លែកមាត់បែបម្ហូបថៃដែរ។ ផាត់ថៃដែលខ្ញុំធ្លាប់ញ៉ាំនៅបាងកក មានរសជាតិប្រៃជូរផ្អែម(ម្ហូបថៃច្រើនតែមានរសបែបនេះ គឺរសជាតិមុតខ្លាំង) តែបើមិត្តអ្នកអានមិនចូលចិត្តរសជាតិមុតទេ អាចបន្ថយអំបិលស្ករនិងម្ជូរបាន។ សូមជូនពីរបៀបធ្វើផាត់ថៃដូចតទៅ៖ គ្រឿងផ្សំ 1.គុយទាវស្ងួត សសៃតូចឬធំតាមនិយម ១០០ក្រាម (ត្រាំទឹកអោយទន់) បើគុុយទាវសើម យកប្រហែល២០០ក្រាម 2.សាច់= បង្គារ ឬសាច់ជ្រូក ឬសាច់មាន់ ១០០ក្រាម 3.ខ្ទឹមសចិញ្ច្រាំ ១កំពឹសធំ 4.ខ្ទឹមក្រហមចិញ្ច្រាំ ១មើមតូច 5.បង្គារក្រៀម ១ស្លាបព្រាបាយ ត្រាំទឹកអោយទន់រួចបុក 6.សណ្តែកដីលីងរួចបុកឲបែកបន្តិច ១ស្លាបព្រាបាយ 7.សណ្ដែកបណ្ដុះ ១០០ក្រាម 8.ស្លឹកគូឆាយ ១០០ក្រាម កាត់ខ្លីប្រវែងប្រហាក់ប្រហែលប្រវែងសណ្ដែកបណ្ដុះ 9. ពងទា … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | មតិ 6

វិជ្ជាមេផ្ទះ បំពងបង្គាជាមួយម៉្សៅអោយស្រួយឆ្ងាញ់


បំពងបង្គាអោយស្រួយ មិនមែនជារឿងពិបាកទេនៅពេលដែលយើងដឹងពីគន្លឹះសំខាន់របស់វា (មាន២គន្លឹះ)។ គ្រឿងផ្សំសំរាប់ជ្រលក់បង្គា ( Coated) ម៉្សៅមី ៥០ក្រាម ពងមាន់មួយ អំបិលមួយចុងស្លាបព្រាកាហ្វេ (ឬប្រើម៉្សៅខ្នរ) ស្ករសបន្តិច ទឹកបន្តិច របៀបធ្វើ លាយគ្រឿងទាំងអស់នេះចូលគ្នា អោយសព្វ ល្បាយត្រូវមានសភាពខាប់អន្លាយ។ រួចដាក់បង្គាដែលបកសម្បករួចជ្រលក់អោយលិចក្នុងល្បាយ បន្ទាប់មកក៏ស្រង់ឡើង ទើបយកមកប្រឡាក់នឹងម៉្សៅមីទទេរអោយទាល់តែម៉្សៅមីរុំជិតតួបង្គាសព្វហើយស្ងួត អត់មានជាតិសើម(គន្លឹះទី១) រួចចាប់បង់ទៅក្នុងខ្ទះដែលមានប្រេងកំពុងក្ដៅ បំពងអោយឆ្អិនជាការស្រេច។ ចំពោះប្រេងត្រូវអោយលិចបង្គា ទើបស្រួយល្អ(គន្លឹះទី២) ដូច្នោះហើយ ដើម្បីកុំអោយអស់ប្រេងច្រើន ខ្ញុំប្រើឆ្នាំងតូចបំផុតក្នុងផ្ទះបាយរបស់ខ្ញុំមកបំពង។ តែប៉ុណ្ណេះ ពិសារជាមួយទឹកត្រីបុកក៏បាន ទឹកម្រេចក្រូចឆ្មារក៏បាន ទឹកជ្រលក់មាន់បំពងក៏បាន។ ***សំគាល់*** ខ្ញុំប្រើម៉្សៅមី មិនប្រើម៉្សៅដែលគេលាយស្រេចសំរាប់បំពងទេ ព្រោះវាជាម៉្សៅតែមួយដូចគ្នានឹងម៉្សៅមីដែរ ម៉្យាងម៉្សៅមីមានតំលៃធូរថ្លៃជាង គឺ1គីឡូក្រាមថ្លៃតែ៣៥០០រៀលប៉ុណ្ណោះ អាចបំពងក៏បាន ធ្វើនំប៉័ងក៏បាន … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | បញ្ចេញមតិ

វិជ្ជាមេផ្ទះ៖ ដុតនំប៉័ងដោយខ្លួនឯង


ខ្ញុំចូលចិត្តដុតនំប៉័ងដោយខ្លួនឯង ព្រោះ នំប៉័ងដែលចេញពីឡថ្មីៗ មានរសជាតិឈ្ងុយឆ្ងាញ់ខុសពីតាមហាង។ ខាងក្រោមជាវិធីធ្វើរបស់ខ្ញុំ៖ គ្រឿងផ្សំ មេនំប៉័ងស្ងួត 1.5 ស្លាបព្រាកាហ្វេ (ពេញកំពង់) ស្ករស 1ស្លាបព្រាកាហ្វេ ទឹកក្ដៅអ៊ុនៗ 250មល(កុំក្ដៅពេក ក្ដៅល្មមយើងផឹកបាន បើក្ដៅពេកវានាំឲងាប់មេ) ម៉្សៅមី 390 ក្រាម ប្រេងអូលីវ 1ស្លាបព្រាបាយ អំបិល 1ស្លាបព្រាកាហ្វេ របៀបធ្វើ ដាក់មេនិងស្ករស ក្នុងទឹកក្ដៅអ៊ុននោះ រួចកូរអោយរលាយ រួចទុកប្រមាណ១០នាទី។ រួចដាក់ម៉្សៅមីក្នុងចានដែកសំរាប់លាយ ថែមប្រេងអូលីវនិងអំបិល លាយឲសព្វ ទើបចាក់ ទឹកលាយមេចូល លាយកូរ ច្របាច់ដោយដៃទាល់តែក្លាយជាល្បាយស្មើសាច់ រួចរកថង់ផ្លាស្ទិកមកគ្របពីលើអោយជិត ទុកអោយហប់ រយ:ពេលប្រមាណជា១ម៉ោង ឬទុកទាល់តែល្បាយនោះរីកមាឌមួយជាពីរ។ ទើបយកចេញមកតប់ម្ដងទៀត … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | បញ្ចេញមតិ

វិជ្ជាមេផ្ទះ ជ្រក់ផ្កាស្នោរនិងសណ្ដែកបណ្ដុះ


ខែនេះនៅស្រុកខ្មែរយើង បើជិះចេញតែពីក្រុងបន្តិច យើងនិងបានឃើញដើមស្នោរចេញផ្កាពណ៌លឿងព្រោងព្រាតតាមស្រែ ប្រឡាយទឹកក្បែរៗផ្លូវនិងរបងផ្ទះមិនខាន។ ថ្ងៃមុនទៅភ្ជុំឯស្រុកខាងម្ដាយក្មេកខ្ញុំ ខ្ញុំទ្រាំសឹងមិនបាន ចង់ចុះបេះផ្កាស្នោរយកមកជ្រក់ គ្រាន់ហូបនឹងត្រីអាំង ត្រាំងអី 😁 នេះបើកុំតែភ្លៀងតាមផ្លូវ កុំអីចុះលាត់ជើងខោបេះមកជ្រក់មិនខានរ៉េ 😁។ និយាយពីវិធីធ្វើជ្រក់ផ្កាស្នោរអោយឆាប់បានហូបម្ដង។ ផ្កាស្នោរ និងសណ្ដែកបណ្ថុះ ដាក់ម៉ាពេញកែវក្រឡ មីឡូ(មើលរូបខាងក្រោម) វាល់ទឹក 400 មល ដាំទឹកអោយពុះ បង់អំបិលមួយស្លាបព្រាបាយពេញទូង ស្ករសមួយចិប(ដាក់ស្ករបន្តិច អោយជ្រក់ឆាប់កាច់ជូរ) ពេលទឹកពុះ ចាក់ភ្លាមទាំងក្ដៅចូលក្រឡផ្កាស្នោរនោះ (ធ្វើដូចនេះសណ្ដែកបណ្ដុះនឹងនៅស្រួយល្អ) ចំហវាប្រហែល ៥នាទី សឹមបិទគម្របក្រឡអោយជិត ទុក២យប់អាចយកមកហូបបានហើយ បើចូលចិត្តហិរ អាចហាន់ម្ទេសថែមជាការស្រេច :):):)។ ឯវំ 😁😁😁😁

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | បញ្ចេញមតិ

វិជ្ជាមេផ្ទះ៖ អាកោរខ្ទិះស្លឹកតយ


គ្រឿងផ្សំម៉្សៅ ម៉្សៅអង្ករខ្សាយ ៤៥០ក្រាម ទឹកក្ដៅឧណៗ ៥០០មល មេនំបុ័ងស្ងួត ២ស្លាបព្រាកាហ្វេ ស្ករស ១ស្លាបព្រាកាហ្វេ អំបិល ១ចិប វិធីធ្វើ៖ លាយមេ ក្នុងទឹកនោះបន្តិច(ទឹកនៅសល់ទុកមួយឡែកសិន) រួចដាក់ស្ករចូល កូរឱ្យរលាយ ទុកឱ្យមេកាច់ប្រហែល១០នាទី។ ថ្លឹងម៉្សៅ រួចដាក់ក្នុងចានសំរាប់លាយ ដាក់អំបិលចូល សឹមដាក់ល្បាយមេចូល កូរបន្តិច រួចបន្ថែមទឹកដែលសល់ចូល កូរទាល់តែសព្វម៉្សៅនិងទឹកជាល្បាយស្មើសាច់ រួចយកថង់ផ្លាស្ទីកមកគ្របឱ្យជិត ទុកអោយល្បាយឡើងរីកមាឌ រយៈពេល១ម៉ោង។ ឆ្លៀតពេលនេះ យើងមកមើលពីការលាយទឹកស្ករនិងដូងម្ដង៖ ខ្ទិះដូង ៣០០មល កិនស្លឹកតយ រួចពូតយកទឹក១០០មល រួចដាក់លាយគ្នា ទើបដាក់ស្ករសចូលកូរឱ្យសព្វ រសជាតិគួរផ្អែមខ្លាំងបន្តិច(ព្រោះយើងត្រូវយកទៅលាយនឹងល្បាយខាងលើ ដូច្នេះពេលលាយសព្វ វានឹងមានរសជាតិផ្អែមល្មមមាត់)។ លុះគ្រប់មួយម៉ោងដែលល្បាយមេនិងម៉្សៅឡើងហើយ ចាក់ទឹកខ្ទិះដូងស្លឹកតយនោះចូល … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | បញ្ចេញមតិ

វិជ្ជាមេផ្ទះ៖ Spaghetti bolognese


Spaghetti bolognese Continue reading

បានផ្សាយ​ក្នុង វិជ្ជាមេផ្ទះ | បញ្ចេញមតិ

វិជ្ជាមេផ្ទះ៖ ដំឡូងបារាំងដុតក្នុងអូវិន


Roasted potatoes ជាចំណីម្ដងម្កាលរបស់ស្រីក្មេងៗរបស់ខ្ញុំ។ខាងក្រោមជាវិធីធ្វើ៖ ចិតសម្បកដំឡូងបារាំង ពុះមួយជាបួនដុំ ដាក់ទឹកដាក់អំបិល ដាក់ដំឡូងស្ងោរប្រហែល2នាទី។ ស្រង់ដំឡូងឡើង ដាក់អោយស្រស់ទឹក។ បើកម៉ស៊ីនដុត (Oven ) ប្រើកំដៅ200 ដឺក្រេ ចោលប្រហែលប្រាំនាទី ដើម្បីអោយថាសក្ដៅ រួចចាក់ប្រេងឈូករ័ត្នចូលផ្សើមដើម្បីកុំអោយជាប់ដំឡូង។ លុះប្រេងនិងថាសក្ដៅហើយ ទើបរៀបដំឡូងចូល បើក200ដឺក្រេ ប្រើពេលដុត 40នាទី។ នោះយើងនឹងបានដំឡូងដុតដែលផុយល្មួត មានជាតិប្រៃឡមៗ ទទួលទានបានហើយ។

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | បញ្ចេញមតិ

វិជ្ជាមេផ្ទះ៖ ត្រីចៀនចួន


ត្រីចៀនចួន ដាក់សៀង ខ្ញី គ្រាន់តែនឹកដល់ក៏ឃ្លានបាយភ្លាមហើយ 😋។ ត្រីដែលយកមកចៀនចួនឆ្ងាញ់ គួរប្រើត្រីសណ្ដាយ ព្រោះត្រីសណ្ដាយសាច់ណែនស្វិត ងាយចៀន មិនបែកសាច់។ គ្រឿងផ្សំ ខ្ញី ហាន់ជាសរសៃ ត្រីសណ្ដាយ សៀងផ្អែម ក្រូចឆ្មារ ស្លឹកខ្ទឹម វិធីធ្វើ ដាក់ប្រេងឆានៅខ្ទះ អោយក្ដៅបន្តិច ទើបដាក់ត្រីចៀន អោយក្រៀមស្រួយល្អ(កុំប្រែច្រើនដងពេក អាចនាំអោយបែកសាច់ត្រី)។ ពេលត្រីឆ្អិនក្រៀម លើកចេញសិន រួចដាក់ខ្ញីឆាប្រើភ្លើងតិចៗ អោយខ្ញីក្រៀម។ ឆ្លៀតពេលកំពុងឆាខ្ញី យើងមកលាយគ្រឿងសៀងសិន៖ សៀងផ្អែម ចាក់ដាក់ចាន ហាន់ស្លឹកខ្ទឹមដាក់ រួចថែមទឹកបន្តិច ក្រូចឆ្មារបន្តិច អោយមានរសជាតិ ប្រៃផ្អែមជូរ។ ដល់ពេលខ្ញីឆ្អិនក្រៀមហើយ ចាក់ទឹកសៀងចូលខ្ទះនោះ ទើបដាក់ត្រីចៀនចូល ប្រើភ្លើងតិចៗ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , , | បញ្ចេញមតិ

វិជ្ជាមេផ្ទះ៖ ស៊ូគីស៊ុប និងទឹកជ្រលក់


ស៊ូគីស៊ុប ជាម្ហូបដែលខ្ញុំទើបចេះធ្វើ តាមការស្រាវជ្រាវពីយូធូបមកទេ តែអ្នកផ្ទះថា រសជាតិអាចទទួលយកបាន។ ហូបស៊ូគីស៊ុបនៅហាង ចំណាយអស់ច្រើនណាស់ ដូច្នេះ ចេះធ្វើហូបខ្លួនឯង ក៏មិនខាតអីដែរ គឺចំណេញ សេដ្ឋកិច្ចគ្រួសារ 😆 😄។ ខាងក្រោមនេះជារូបមន្តរបស់ខ្ញុំ រូបមន្តទឹកស៊ុប ឆ្អឹងជ្រូក (ប្រើមាន់ក៏បាន) ខ្ទឹមបារាំង បកតែសំបករួចដាក់ទាំងមូល ជីរឃិនឆាយ ខ្ទឹមស បកសំបករួច ដាក់ទាំងមូល ឆៃប៉ូវ អំបិល ស្ករ ផ្កាចាន់មួយដុំតូច (បើមិនចូលចិត្ត មិនបាច់ក៏បាន) ការ៉ុត របៀបធ្វើ ដាំទឹកពុះ រួចបង់ខ្ទឹមស ខ្ទឹមបារាំង ឆៃប៉ូវ និងផ្កាចាន់ចូល ដាក់អំបិល រួចទើបបង់ឆ្អឹងជ្រូក ដល់ឆ្អិនបន្តិច … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | បញ្ចេញមតិ

វិជ្ជាមេផ្ទះ៖ បុកក្តិបម៉ាក់ប្រាង និងបង្គាក្រៀម


ខែកុម្ភៈនិងខែមិនា ជាខែដែលផ្លែម៉ាក់ប្រាងចាប់មានក្ដិបហើយ ក្នុងមួយឆ្នាំវាមានក្ដិបតែ2ខែនេះទេ។ ក្ដិបម៉ាក់ប្រាង មានរសជាតិជូរខ្លាំង ក្លិនឆ្ងាញ់ប្លែក នាំអោយអ្នកបរិភោគប្លែកមាត់ លាន់មាត់ថាឆ្ងាញ់ជាងអំពិលបុក ឬស្វាយបុកហាយប៊ី។ មួយមុខនេះជាគ្រឿងក្លែមបែបអ្នកខេត្តកំពត។ តទៅនេះ ខ្ញុំសូមជូនវិធីធ្វើ៖ ● លាងក្ដិបម៉ាក់ប្រាង(150ក្រាម) រួចពុះជាពីរ ឆ្កិះយកគ្រាប់ចេញ រួចបុក ហើយពូតទឹកវាចេញអោយអស់ ដើម្បីអោយវាអន់ជូរបន្តិច ● បង្គាក្រៀម(150ក្រាម) ត្រាំលាងទឹកអោយចេញដី រួចទុកអោយស្រស់ទឹក សឹមបុកអោយបែកទន់ ដាក់ខ្ទឹមស បុក ថែមស្ករស មួយចិប ម៉្សៅស៊ុបមួយស្លាបព្រាកាហ្វេ  ម្ទេសបន្តិច(បើចូលចិត្ត) រួចសឹមយកក្ដិបម៉ាក់ប្រាងដែលពូតទឹករួច មកបុកច្របល់ចូលគ្នាអោយសព្វ។ ភ្លក្សមើលថែមថយតាមនិយម។ តែប៉ុណ្ណេះ មេផ្ទះទាំងឡាយនឹងបានម្ហូបមួយមុខទៀត គ្រាន់កុំអោយអ្នកផ្ទះថាឃើញតែម្ហូបដដែលហើយ :lol:

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | មតិ 2