កំឡុងពេលដែលឪពុកក្មេកខ្ញុំ សម្រាកពេទ្យនៅផ្នែកជម្ងឺមហារីកនៅឯពេទ្យរុស្សី គ្រូពេទ្យនៅទីនោះគ្រប់គ្នាបានធ្វើអោយខ្ញុំកែប្រែទស្សនៈដែលយល់ឃើញពីចំណុចអវិជ្ជមានរបស់គ្រូពេទ្យ។
កាលពីដំបូង ឪពុកក្មេកខ្ញុំបានសម្រាកព្យាបាលនៅផ្នែកជម្ងឺសួតនៅពេទ្យមួយនោះ(សុំមិនបញ្ចេញឈ្មោះ) គ្រូពេទ្យនៅទីនោះខ្វះការទទួលខុសត្រូវ មើលឃើញតែលុយ ម្នាក់ៗធ្វើការពីរបីកន្លែង គ្មានពេលមើលអ្នកជំងឺដិតដល់ ទុកអោយតែក្រុមគិលានុបដ្ឋាកដែលមិនសូវយល់ដឹងនៅយាម… ទម្រាំធ្វើរោគវិនិច្ឆ័យថាជាជម្ងឺមហារីកសួត ត្រូវចំណាយពេលរហូតដល់មួយខែពេញ។ មានពេលមួយនោះ ជម្ងឺចាស់របស់ឪពុកក្មេកខ្ញុំរើឡើង ស្វាមីខ្ញុំដែលនៅកំដរភ័យស្លន់ស្លោ រត់ទៅគោះទ្វារហៅគ្រូពេទ្យយាមប្រចាំការ តែបានចម្លើយមកវិញថា “នេះជាជម្ងឺនៅខាងផ្នែក Neurology គួរតែបញ្ជូនគាត់ទៅ consult នៅផ្នែក Neurology ទៅ….” !!!????នេះឬជាចម្លើយដែលគួរតែគ្រូពេទ្យឆ្លើយទៅកាន់គ្រួសារអ្នកជម្ងឺដែលកំពុងភ័យព្រួយ?????!!!!!! ទោះជាជម្ងឺដែលរើឡើងនេះជាជម្ងឺចាស់មិនទាក់ទងនឹងផ្នែកសួត តែក្នុងនាមជាគ្រូពេទ្យម្នាក់ ម្ដេចនឹងអាចឆ្លើយបែបនេះទៅ!!!!???? ម៉េចនឹងអាចទុកអ្នកជម្ងឺចោលដោយមិនខ្ចីទៅអើតមើលទៅ??????!!!!!!
ប៉ុន្តែ គ្រូពេទ្យនៅផ្នែកជម្ងឹមហារីកនៅពេទ្យរុស្សី ពោរពេញដោយការទទួលខុសត្រូវ និងលើកទឹកចិត្ត។ គ្រប់គ្នានៅទីនោះ ពោរពេញដោយធម៌មេត្តា ទោះជាកណ្ដាលរាត្រីអ្នកជម្ងឺធ្វើទុក្ខ ហើយយើងគោះទ្វារហៅ ក៏ពួកគាត់មិនបានបង្ហាញការគ្នាន់ក្នាញ់ដែរ។ យើងនិងអ្នកជម្ងឺផ្ទាល់ដែលកំពុងព្រួយអំពីជម្ងឺ ពិតជាត្រូវការណាស់នូវគុណធម៌បែបនេះ។យើងបានទទួលនូវក្ដីទុកចិត្តនិងភាពកក់ក្ដៅណាស់ កំឡុងពេលសម្រាកព្យាបាលនៅទីនោះ។ ការយកចិត្តទុកដាក់នេះមិនមែនមានចំពោះតែក្រុមគ្រួសារយើងទេ ខ្ញុំសង្កេតឃើញមានជាទូទៅចំពោះគ្រប់អ្នកជម្ងឺដទៃទៀត។
សូមអរគុណជាអនេកដល់ការយកចិត្តទុកដាក់របស់អ្នកគ្រប់គ្នានៅទីនោះ សូមអរគុណលោកវេជ្ជបណ្ឌិតរ៉ាឌី ដែលជានិច្ចកាលតែងតែផ្ដល់នៅការយកចិត្តទុកដាក់ និងដំបូន្មានល្អៗនិងការប្រឹក្សាដល់អ្នកជម្ងឺ និងសូមអរគុណគិលានុបដ្ឋាកយិការសិរីដែលតែងផ្ដល់ដល់ការថែទាំដែលមិនចេះនឿយណាយ យើងនឹងមិនបំភ្លេចនូវទឹកចិត្តដ៏ថ្លៃថ្លារបស់អ្នករាល់គ្នាទេ៕
ម៉ាក់ស្រីតូចបីនាក់
ភរិយានិងម្ដាយម្នាក់ 
រ៉ាឌី និងសុខា ជាមិត្តខ្ញុំ, រៀននៅសាលាក្បាលកោះ ស្អាង ជាមួយគ្នា។ ពួកយើងធ្លាប់ផឹកទឹកអំពៅជាមួយគ្នា, ស៊ីអន្សមអាំងមួយមាត់មួយ.ក ពេលចេញលេងជុំគ្នា, ធ្វើពលកម្មបោចស្មៅក្នុងសាលាទាំងអស់គ្នា ហើយជួនកាល ក៏ប្រលែងលេងទាត់ធាក់គ្នាដូចជ្រូកពុល…។ ដោយបែបនេះហើយ ទើបបានជាពួកគេទាំងពីរ មិនភ្លេចកំណើត និងប្រកាន់យកនូវគុណធម៌ជាចំបង មុននឹងគិតទៅដល់ផលប្រយោជន៍ផ្ទាល់ខ្លួន…។
ចូលចិត្តចូលចិត្ត
លោកដុកទ័រនិងពូជាមិត្តចាស់និងគ្នាសោះ បើពូបានជួបគាត់ជួយសរសើរពីទឹកចិត្តគាត់ជំនួសខ្ញុំផង ។ ខ្ញុំនិងក្រុមគ្រួសារពិតជាស្ញប់ស្ញែងនូវគុណធម៌របស់គាត់ណាស់។
ចូលចិត្តចូលចិត្ត
ខ្ញុំទើបនឹងដឹងថា ពួកគេទាំងពីរផ្លាស់ទៅពេទ្យកាល់ម៉ែត… កាលមុនពួកគេនៅជុំជើងគ្នាឯពេទ្យរុស្ស៊ី…
ចូលចិត្តចូលចិត្ត
ចាសពូ ផ្លាស់តែលោកអ៊ាវ សុខាទេ លោកឌីនៅពេទ្យរុស្ស៊ីនៅឡើយទេ
ចូលចិត្តចូលចិត្ត