អ្នកប្រហែលជាគិតថា កូនអាយុ២ ឬ៣ខួបរបស់អ្នកនៅតូចពេក មិនអាចជួយធ្វើការផ្ទះបានទេ សូមគិតម្ដងទៀតចា៎ស។ កូនចាបតូចរបស់អ្នកតែងតែចង់ធ្វើអ្វីតាមអ្នកធ្វើ មិនថាអ្នកជូតផ្ទះ បោសផ្ទះ បោកខោអាវ ឬសូម្បីតែធ្វើម្ហូប។វាពិតជាពិបាកបន្តិចហើយនៅគ្រាដំបូងនោះ ព្រោះពេលចាបតូចជួយការងារ វាហាក់ដូចជាធ្វើអោយយើងកាន់តែរវល់ទៅវិញទេ ប៉ុន្តែការដែលធ្វើបែបនេះគឺអ្នកបានបណ្ដុះគំនិតស្រឡាញ់ការងារដល់ពួកគេ។ការដែលអោយកូនអ្នកជួយការងាររបស់អ្នក គឺអ្នកបានបង្រៀនអោយគេយល់ពីសារៈសំខាន់នៃការងារផ្ទះនិងសាងភាពជឿជាក់លើខ្លួនពួកគេ គេនឹងយល់ថាគេជាសមាជិកដ៏មានតំលៃម្នាក់ក្នុងគ្រួសារតូចនេះ។ ពេលដែលគេបានបញ្ចប់ការងារតូចៗដែលអ្នកបានប្រាប់គេអោយធ្វើ ទឹកមុខគេនឹងបង្ហាញប្រាប់អ្នកថា «មើលចុះ នេះជាអ្វីដែលចាបតូចដូចខ្ញុំបានជួយម៉ាក់(ឬប៉ា)»។ខាងក្រោមនេះ គឺសុទ្ធតែជាការងារដែលអាចអោយកូនតូចៗជួយអ្នកបាន ហើយគេអាចជួយដោយរីករាយទៀតផង៖
- រៀបចំទុកដាក់របស់លេង៖ បើអ្នកប្រាប់គេថារៀបចំរបស់លេងកូនអោយមានរបៀប គេប្រហែលជាមិនយល់ថាមានរបៀបនោះយ៉ាងម៉េចទេ តែបើប្រាប់គេងាយៗថា«យកតុក្កតាកូនទៅដាក់លើធ្នើរ/យកឡានតូចទៅដាក់ក្នុងកន្ត្រក/ យកសៀវភៅកូនទៅដាក់លើតុ។ល។ គេប្រហែលជាឆាប់យល់ ហើយពេញចិត្តនឹងធ្វើជាង។
- ជួយរៀបខោអាវ៖ ប្រាប់គេអោយជួយរៀប ស្រោមជើងដាក់មួយឡែក ខោដាក់មួយឡែក អាវដាក់មួយឡែក ស្របពេលដែលអ្នកកំពុងបត់ទុកនូវអ្វីដែលគេបានរៀបនោះ។ ឆ្លៀតពេលនោះ ម៉ាក់និងកូនក៏អាច Spend quality time ជាមួយគ្នាដែរ អ្នកនិងពួកគេអាចសួរនាំគ្នាពីនេះពីនោះឬច្រៀងលេងជាមួយគ្នាក៏បាន។
- បោសជូតធូលី៖ បោសជូតលើតុ លើកៅអី បោសបណ្ដើរនាំគេលេងបណ្ដើរ ប្រាប់គេថា ប្រណាំងគ្នាជាមួយអ្នកម៉ាក់ល៎មើល ថាតើនរណាបោសលឿនជាងនិងស្អាតជាង។ ឃើញទេ? ក្មេងៗពិតជាចូលចិត្តមិនខានទេ។
- ស្រោចផ្កា ដើមឈើ៖ រកធុងតូចល្មមសំរាប់គេ ស្រោចផង ប្រាប់គេអោយមើលថា មួយណាស្លឹក មួយណាទង មួយណាដើម។ ចំនុចនេះ ក៏អ្នកអាច បង្រៀន គេអោយ ស្គាល់ ពីរុក្ខជាតិផងដែរ។
- ជួយការងារផ្ទះបាយ៖ ប្រាប់គេដោយរបៀបកំប្លែងៗថា «កូនជួយដាក់ទឹកនៅចានដែកអោយត្រសក់/ត្រឡាច/ការ៉ុត/ឆៃថាវ (ងូតទឹកលាងខ្លួន)បន្តិចបានទេ?» គេពិតជារីករាយនឹងជួយដោយសារតែពាក្យនេះ ហើយសួរមកវិញថា បន្លែក៏ចេះងូតទឹកដូចកូនដែរហ្ន៎?!
នៅមានការងារផ្ទះដទៃទៀតជាច្រើនដែលកូនចាបតូចរបស់អ្នកអាចជួយអ្នកបាន។ សូមកុំមានគំនិតថា គេនៅតូចពេក ចាំដល់ធំចាំបង្រៀនគេក៏មិនទាន់ហួសពេលដែរ សូមចងចាំថា ទំលាប់ល្អត្រូវការពេលបណ្ដុះយូរ ឯទំលាប់អាក្រក់វិញងាយនឹងទទួលយកណាស់។ សូមជូនពរអោយចាបតូចៗជាទីស្រឡាញ់របស់អ្នកក្លាយជាកូនដែលមានទំលាប់រស់នៅល្អ។
សុជីវី
ហេង សុជីវី 
កាលនៅក្មេងក៏ម៉ាក់នាំស្រោចទឹកដំណាំដែរ។ ខ្ញុំមានធុងស្រោចផ្ទាល់ខ្លួនដែលគាត់ធ្វើឱ្យពីកំប៉ុងទឹកដោះគោ ក្រោយមកជាធុងប្រេងឆា និងក្រោយមកទៀតធុងស្ពេត្រូ (ពេញកំលាំងល្មម)
ចូលចិត្តចូលចិត្ត
ពិតជាខ្លាំងឥតគូប្រៀបមែនអ៊ំ ធុងស្ពេត្រូ!!! បើខ្ញុំវិញ ដាក់ទឹកតែកន្លះធុងទេ ប្រឹងលើកចង់ដាច់សសៃកែងហ្នោះ!
ចូលចិត្តចូលចិត្ត
ខានស្រោចទឹកដំណាំយូរ ង៉ៃមុនទៅផ្ទះ យួរទឹកតែកន្លះអាង ដកដង្ហើមសឹងមិនដល់គ្នា។
ដូចតែគ្នាហ្នឹងជីវីអើយ តែធ្លាប់យូរៗទៅយួរតាមសម្រួល។
ចូលចិត្តចូលចិត្ត
ខ្ញុំប្រើទុយោបាញ់វិញធូរជាង ហេហេហេ
ចូលចិត្តចូលចិត្ត
គំនិតល្អឯង
ចូលចិត្តចូលចិត្ត
ចូលចិត្តចូលចិត្ត
អីគេ spend quality time នឹងបង?
ចូលចិត្តចូលចិត្ត
ប្រើពេលមានតំលៃស្និទ្ធស្នាលជាមួយមនុស្សជាទីស្រឡាញ់ហ្នឹងណា។ កុំប្រាប់ថាមិនដែលឮពាក្យនេះ។
ចូលចិត្តចូលចិត្ត
Just spend time, cos everytime with the beloved one is quality. No need to emphasize lol
ចូលចិត្តចូលចិត្ត
តាម៉ាប់អើយ ពេលស្រឡាញ់គ្នាដំបូង ស្អីក៏ qualityដែរ តែដល់ពេល៣គ្រឿងដូចបងហើយ ចង់មានquality time ក៏ត្រូវរកពេលដែរ ជួនកាលចង់លេងនឹងកូន តែអត់ពេល ព្រោះម៉ាក់រវល់តែ ឥន្ធណេត្រ 😆
ចូលចិត្តចូលចិត្ត
អាហ្នឹងគេមិនហៅអត់ពេលទេ គេហៅខ្វះពេល ហើយកេងប្រវ័ញ្ចពេលវេលារបស់កូនៗទៀតផង ។ប្រយ័ត្នតែគេនាំគ្នាធ្វើបាតុកម្មវិញទៅ ?
ចូលចិត្តចូលចិត្ត
ហេហេហេ ខ្ញុំដឹងខ្លួនតិចៗដែរតើបង
ចូលចិត្តចូលចិត្ត
ពិតជាល្អមែនទែនអាចទុកជាបទពិសោធន៍បាន :@
ចូលចិត្តចូលចិត្ត
ហ្នឹងហើយ មើលទុកអោយហើយសន្សំទុកជាបទពិសោធន៍ អោយហើយទៅលោកគ្រូ មិនយូរមិនឆាប់ក៏គង់តែបានប្រើក្បួននេះទេ ហេហេហេ
ចូលចិត្តចូលចិត្ត
បាទពិតជាប្រើព្រោះក្បួននេះល្អខ្លាំងណាស់ហើយត្រូវតាមក្បួនគរុកោសល្យទៀត 🙂 🙂 🙂
ចូលចិត្តចូលចិត្ត
យីហ្ន៎! អ្នកសរសេរក្បួនអត់ដឹងអីម៉ាតិចថាត្រូវតាមគរុកោសល្យ :D
ចូលចិត្តចូលចិត្ត
ជាពិសេសបង្រៀនវាអោយចេះញ៉ាំបាយខ្លួនឯង។ ក្មេងៗខ្មែរយើង ភាគច្រើន ចាំតែម៉ែដេញបញ្ចេញបាយ ទើបញ៉ាំ។
ចូលចិត្តចូលចិត្ត
អរគុណចំពោះចំនុចមួយនេះ។ ពិតណាស់ ក្មេងខ្មែរភាគច្រើន ទំរាំព្រមញ៉ាំបាយខ្លួនឯងទាល់តែដល់អាយុចូលរៀន ចេះខ្មាសគេបានព្រមញ៉ាំ
ចូលចិត្តចូលចិត្ត
ខ្មែរយើងគេគិតថាអញ្ចឹងណាកល្យាណ គេគិតថាកាលណាជីងចក់ធ្លាក់លើគេពិតជាហេង តែទាស់ត្រង់កល្យាណញ៉ាំស៊ុបជីងចក់អញ្ចឹងពិតជាស៊យ ឬ ហេងបងក៏មិនដឹងដែរ ។ តែបើនិយាយពីរឿងហេងនោះគឺដួលម៉ូតូ ហើយទាំងអ៊ំស្រីនិងកល្យាណ មិនត្រូវអ្វីធ្ងន់រឿងធំក្លាយជារឿងតូចបាន ។ ឯចំណែករឿងស៊យនោះគឺបទពិសោធន៍មានពេញខ្លួនហើយមិនគួរភ្លាត់ស្នៀតបែបនេះសោះ ។
ចូលចិត្តចូលចិត្ត
ហាសហាសហា ត្រូវទាំងមាត់ បានទាំងពរពីម្ចាស់បងខ្ញុំ។ 😀
ចូលចិត្តចូលចិត្ត
ញ៉ាំបាយហើយកុំភ្លេចឲ្យលាងចានផង ! កូន ៗបងដាក់វេនគ្នាម្នាក់មួយថ្ងៃ ដូច្នេះទោះជាដល់ម៉ោងទៅរៀនហើយក៏ដោយក៏ត្រូវធ្វើដែរព្រោះជាតួនាទី ។ មួយចំណុចទៀតជីវីត្រូវឲ្យពួកគេរៀនចងសក់ សិតសក់ដោយខ្លួនអែង ព្រោះវានឹងជួយជីវីមានពេលច្រើន ព្រោះស្រីបី បួននាក់ទាំងម៉ាក់វា បើនៅតែច្រេមច្រុមជាមួយពួកគេ ពិតហត់នឿយណាស់ ។ ទុកកម្លាំងទៅធ្វើអីផ្សេងវិញណស់ !
ចូលចិត្តចូលចិត្ត
អរគុណបងដែលបានប្រាប់បន្ថែម។ រឿងលាងចាន ប្រើបានហើយ ម៉ាក់ជាអ្នកលាងសាប៊ូ អាបងលាងទឹកទី១ អាទី២លាងទឹកទី២ បើនិយាយរឿងចងសក់ នាងនាងចេះត្រឹមសិតខ្លួនឯង ឯនូនូនៅទេ។ គួរអោយសរសើរក្មួយៗខ្ញុំណាស់ ចេះការងារផ្ទះតាំងពីប៉ុននេះហើយ ពិតជាចំណាប់មិនចាញ់បងដែលជាម៉ាក់មិនខានទេ។
ចូលចិត្តចូលចិត្ត
នេះអាចមកពីកាលបងនៅក្មេងខ្ជិលហើយមើលទៅ ព្រោះយកលេសទៅរៀន ញ៉ាំបាយហើយអត់សូវបានជួយទេ គេចបាត់ ដល់អញ្ចឹងទៅខ្លាចកូនខ្ជិលដូចម៉ាក់វាដែរ ក៏ទម្លាប់តាំងពីក្មេង ៗ ដូចជីវីនិយាយខាងលើនោះដែរ ។ ហើយពេលនេះកំពុងតែបណ្តោយឲ្យធ្វើម្ហូបខ្លះ ៗ ដែរ គ្រាន់ម៉ាក់វាឆ្លៀតមកអង្គុយលេងអ៊ីនធើនែតបានខ្លះ ។
ចូលចិត្តចូលចិត្ត
រកឃើញអ្នកកេងប្រវ័ញ្ចពេលវេលារបស់ក្មេងៗឃើញហើយពេលនេះ។ អាណិតទៅម៉ាក់អើយ ប្រយ័ត្នតែកូនវាសុំមកលេងឥន្ទនេត្រដែរ វរហើយ បានពីណាធ្វើបាយធ្វើម្ហូបទៅ។
ខ្ញុំអន់ចិត្តណាស់ដែលម្តាយខ្ញុំគាត់មិនបានទម្លាប់ខ្ញុំឱ្យចេះធ្វើការងារមនុស្សស្រី ដូចជាដាំស្ល ពីតូចមក។ សព្វថ្ងៃមិនមែនថាមិនចេះទេ ចេះខ្លះដែរ តែដល់ពេលយើងធ្វើទៅមិនឆ្ងាញ់ គេ ថាឱ្យក៏លែងចង់ធ្វើរហូតតែម្តង។ អាហ្នឹងព្រោះតែមិនមានពិសោធន៍ ពេលចាស់ហើយ ធ្វើទៅ មិនឆ្ងាញ់ គេថាឱ្យតិចតួចខឹង លែងប៉ះបណ្តោយ។ អ្វីដែលខ្ញុំចេះស្ទាត់ជាងគេគឺស្ងោរ ចៀន ចំហុយ អាំង និងឆាពងទាខ្ទឹមបារាំង ជួនហូបកើត ជួនក៏អត់ដែរ។
សូមកុំនិយាយពាក្យមួយឃ្លានេះឱ្យកូនឮ៖ ខំតែរៀនទៅ ការងារដាំស្ល បោសច្រាសអី គង់តែ ពេលរៀនពូកែ មានការងារល្អធ្វើ ជួលឈ្មួលធ្វើទៅបានហើយ។
ជីវិតយើង មិនដឹងទៅថ្ងៃមុខយ៉ាងណាទេ សូមបង្រៀនគេឱ្យចេះគ្រប់សព្វ ដើម្បីគេអាច រៀនរស់ដោយខ្លួនឯងបានក្នុងពេលណាដែលចាំបាច់។ មើលអ្នកមិនចេះដូចខ្ញុំ ចង់ធ្វើហូប ហូបមិនកើត ទៅទិញម្ហូបគេរាល់តែថ្ងៃ ជួនទៅគេស្ងោរកូនជីងចក់ឱ្យញ៉ាំ ជួនទៅគេដាក់ រុយឱ្យហូបលេងកំដរមាត់។
ចូលចិត្តចូលចិត្ត
បង ពាក្យដែលថាអោយខំតែរៀនទៅបានហើយនេះ ខ្ញុំធ្លាប់ឈ្លោះជាមួយប៉ាអាបីនាក់រួចហើយ ហេហេហេ តែមិនអោយក្មេងៗឮទេ
ចូលចិត្តចូលចិត្ត
ល្អឯង! ខ្ញុំជួបខ្លួនឯង ពេលឮគេប្រាប់កូនចឹង ខ្ញុំរមាស់ត្រចៀកណាស់។
គាំទ្រ!!! ឈ្លោះឱ្យហើយទៅ ហើយបើថារកនរណាមក ឧទាហរណ៍មិនបានទេ ចាំកល្យាណទៅជួប!!!
ចូលចិត្តចូលចិត្ត
បង ជួយស្ដាប់មើល ឯងប្រើកូនគេតិចតួច សុទ្ធតែឯងប្រើពលកម្មកុមារ យ៉ាហ៊ី!!! ពលកម្មកុមារអីគ្រាន់តែជួយម៉ែប៉ាប៉ិនហ្នឹងនោះ!
ចូលចិត្តចូលចិត្ត
ប្រាប់ទៅវិញទៅ ថាអាហ្នឹងគឺជា On-the-job-training ដែលកូនអាចទទួលបានការបណ្តុះបណ្តាលដោយ មិនបាច់បង់ថ្លៃរៀនឱ្យគ្រូ ។ ទៅរកឯណាបាន ពួកខ្ញុំ រៀនសុទ្ធតែត្រូវបង់ថ្លៃឱ្យគេ ម្តាយខ្ញុំយកកូនមកផ្ញើ ឱ្យនៅជាមួយគេ ឱ្យថ្លៃបាយទឹក និងស្នាក់នៅ ថែម ទាំងចំណាយថ្លៃអប់រំទៀត។
ចូលចិត្តចូលចិត្ត
ម្យ៉ាងដែរ អ៊ំវាចេះនឹកឃើញ។ ឥឡូវនេះពេលឃើញខ្ញុំប្រើកូន គាត់លែងមាត់ហើយ គ្រាន់តែមិនគាំទ្រ តែក៏មិនយកជើងរាទឹកដែរ
ចូលចិត្តចូលចិត្ត
នាំកូនលេងសប្បាយ គឺជាការ ស្ពេន ឃ្វ័លលីធី ថែម ជាមួយកូនៗហើយ ចំណេញចំណេះដល់កូន ចំណេញសំណើច ហើយក៏ចំណេញម៉ាក់ដែលមាន ពេលស្និទ្ធស្នាលជាមួយកូនដែរ។
ជីវីអើយ កូនក្មេងបើយើងនាំគេធ្វើ យូរៗទៅគេធ្លាប់ ធ្វើគេអាចផ្តើមធ្វើបានពេលគេទៅលេងជាមួយពួក ម៉ាកហើយត្រូវធ្វើអីមួយ ធ្វើទៅអត់ឆ្គងទេ។
ខ្ញុំអត់ដែលធ្វើអីសោះ ស្រាប់តែទៅជប់លៀងជាមួយ ពួកម៉ាកគេប្រើឱ្យច្របាច់ខ្ទិះដូង ច្របាច់ច្រិមច្រុម កំពប់ខ្ទេច បានទៅទិញឯផ្សារម្តងទៀត ខាតលុយ ខាតពេល រួចខ្មាសគេតាំងពីហ្នឹងមក ចង់ពីណា មកបបួលទៅដើរលេងឯណាក៏មិនទៅដែរ ខ្មាសគេ ពេក កផ្តាច់ខ្លួនពីពួកម៉ាករហូតមកដល់អាឡូវ។
ចូលចិត្តចូលចិត្ត
និយាយទៅរឿងការងារផ្ទះនេះ បងក៏មិនសូវចំណាប់ប៉ុន្មានដែរ តែខាងបងប្រុសនោះគាត់ចំណាប់ណាស់ ព្រោះគាត់ជាបងច្បងដូច្នេះគាត់ធ្លាប់ឆ្លងកាត់ការងារទាំងអស់នោះច្រើនជាងខ្ញុំ (
ទាំងការងាររៀបចំផ្ទះ និង ចុងភៅ) ។ ដូច្នោះគាត់ក៏ទម្លាប់កូន ៗ ឲ្យធ្វើកិច្ចការទាំងនោះប្រៀបដូចជាការលេងបាយឡឹកបាយឡដោយពួកគេមិនបានដឹងថា គេកំពុងតែរៀនវិជ្ជាធ្វើម្ហូបពីប៉ាម៉ាក់របស់គេ ។ ហើយពួកគេក៏ចូលចិត្តមកមើលយើងពេលធ្វើម្ហូប តើយើងដាក់អ្វីខ្លះសម្រាប់ម្ហូបមួយមុខនេះ ? យូរៗទៅក៏ក្លាយជាទម្លាប់ទៅហើយ ។ ចំណែកកល្យាណវិញ ទ្រាំ ៗ ទៅ អាចថាជាមនុស្សមានសំណាងជាងអ្នកផ្សេងផង ព្រោះបានញ៉ាំសម្លជីងចក់ អ្នកខ្លះគេគ្រាន់តែជីងចក់ធ្លាក់លើគេហេង គេសឹងអី ចុះទម្រាំបានញ៉ាំអញ្ចឹងពិតជាហេងរាប់ខែមិនខានទេ 55555
ចូលចិត្តចូលចិត្ត
បងហ្អា ខ្ញុំខ្មែរទេ ជីងចក់ធ្លាក់លើមិនមែនជារឿងល្អឡើយ។ សត្វធ្លាប់នៅលើ ធ្លាក់មកក្រោមជារឿងខុសធម្មតាហើយ។ និយាយរឿងទម្លាប់របស់បងៗ និងជីវីវិញខ្ញុំកាន់តែច្រណែន! បើម្តាយខ្ញុំវិញគ្រាន់តែខ្ញុំចូលជិតគាត់ធ្វើម្ហូប គាត់ថាទៅដងទឹក ទៅ! ទៅធ្វើនេះទៅ នោះទៅ! មិនបាច់ចេះក៏បានដែរ ខំតែរៀន ទៅគង់មានគេធ្វើម្ហូបឱ្យញ៉ាំទេ! មកដល់ឥឡូវ មាននរណាធ្វើ ឱ្យខ្ញុំហូប មានតែប្អូនៗខ្ញុំទេ ថ្ងៃណាគេទំនេរពីរៀនគេធ្វើ ថ្ងៃណា គេរវល់ ខ្ញុំទៅរកអីខាងក្រៅផ្ទះទៅ។ យូរៗរាល់ង៉ៃ ព្រោះខ្ជិល ផ្សំផង ជួនស្ងោរពងម្ភៃទុកហូបពីរបីថ្ងៃទៅ!!!
ចូលចិត្តចូលចិត្ត
ការពិតទៅ ពីតូចមក ខ្ញុំក៏មិនសូវមានពេលចូលចង្ក្រានចានឆ្នាំងអីដែរ គិតតែពីរៀនមែនតែហ្មង ដល់មានគ្រួសារ អត់អ្នកជួយធ្វើម្ហូបក៏ចេះតែពួយ ចេះតែសាក ឮគេថាធ្វើអីទំនងក៏សាកតាមគេទៅ ធ្វើម្ដង ២ដង ៣ ដងហូបមិនកើត ដល់១០ដងអីក៏ហូបកើតហ្នឹងគេដែរទៅ ម្យ៉ាងនៅផ្ទះខ្ញុំ ជាក្រុមគ្រួសារធំ រាប់ទាំងអាពេជ្រផងជាងដប់នាក់ឯណោះ ដល់ចឹង ម្ហូបម៉ាពេល តំរូវចិត្តអ្នកនេះផង អ្នកនោះផង ៣មុខយ៉ាងតិច ហេហេហេ បើបទពិសោធន៍ប៉ុននេះហើយ មិនជាប់«សតលីស»ទៀតចប់ប៉ារយ 😀 😀 😀
ចូលចិត្តចូលចិត្ត
ខ្ញុំមានកូនចាបមួយ… អូមិនមែនកូនទេគឺចៅចាបមួយទើបបាន១៨ខែ
មកលេងខ្ញុំរាល់ថ្ងៃ តែខ្ញុំរកវិធីអោយចេះប្រើកន្ថោមិនបាននៅឡើយ
ព្រោះចង់សន្សំសំចៃថ្លៃកន្ទប។ នាងចេះគ្រវីក្បាលនិងចេះងក់ក្បាលច្បាស់
ទៀងទាត់ណាស់បើសួរពីរឿងកន្ទបសើមរឺអត់ ។
សូមម្ចាស់ប្លកជួយរំលែកបទពិសោធនផង ធើម៉េចអោយចៅចាបខ្ញុំចេះប្រើកន្ថោ
បាននៅពេលជុះម្ដងៗ …បើនិយាយពីចូលមើលរឿងតុក្កតានៅយូធូបតាម
អាយភែតរឺចូលលេងហ្គែមសំរាប់ក្មេងៗវិញគឺចៅចាបខ្ញុំចេះបិតបើកអាយភែត
ខ្លួនអែង ចេះចុចអូសទៅរកហ្គែមសំរាប់តែក្មេងៗ មិនប៉ះពាល់របស់មនុស្សចាស់ទេ
មិនគូរអោយជឿ ១៨ខែសោះ លេងរបស់របរសំរាប់គេពីរបីឆ្នាំបាន ។
ចូលចិត្តចូលចិត្ត
ចំណាប់ណាស់តើចៅចាបរបស់ពូ!!! ចេះប្រើរបស់ទំនើបតាំងពីអាយុមិនទាន់២ឆ្នាំផង ពិតជាអស្ចារ្យផិនគេមែន ហេហេហេ។ រឿងជុះដាក់កន្ថោរ បើចំពោះអាពេជ្រកូនពៅខ្ញុំ នៅមិនទាន់ទំលាប់ទេ តែរាល់ពេលគេភ្ញាក់ពីគេង ខ្ញុំតែងលើកទៅអោយគេបត់ជើងតូចទៀងពេល កន្លងមួយម៉ោងម្ដង ក៏នាំគេ«ស៊ូចៗ» ទៀត ពេលថ្ងៃខ្ញុំមិនអោយគេស្លៀក« ដាយភើ» ទេ ទុកស្លៀកតែពេលយប់ប៉ុណ្ណោះ។ បើទំលាប់បែបនេះជាបណ្ដើរៗ យ៉ាងយូរពេលគេអាយុ២ខួបអាចប្រាប់បានថា ចង់ជុះពេលណាហើយ។ ខ្ញុំនិយាយតាមតែអ្វីដែលខ្ញុំចេះដឹងធ្លាប់ធ្វើប៉ុណ្ណោះឯង។ អរគុណពូដែលតែងឆៀងចូលមកអើតផ្ទះនេះរហូតមក 😀 😀 :D។
ចូលចិត្តចូលចិត្ត