នាងនាង កូនសម្លាញ់ កូនដែលម៉ាក់តែងហៅថា My Favorite Girl or My Precious Baby កូនដែលយល់ដឹងការរាក់ជ្រៅច្រើនជាងប្អូនៗ កូនដែលធ្វើអោយម៉ាក់ជឿ នូវពាក្យគ្រប់ម៉ាត់ដែលកូននិយាយប្រាប់ម៉ាក់ ពីព្រោះកូនមិនដែលនិយាយកុហកទេ។ កូនមិនសូវនិយាយស្ដី មិនមាត់ប៉ប្លេចប៉ប្លូច អ្វីដែលកូននិយាយ សុទ្ធតែជាពាក្យសាច់ការទាំងអស់។
នឹកឃើញដល់ពេលដែលកូនចូលរៀនដំបូងថ្នាក់មត្តេយ្យ កូនអាយុទើបបានបីឆ្នាំប៉ុណ្ណោះ ម៉ាក់ទៅតាមកូន ចូលរៀនជាមួយកូន លុះបានពីរថ្ងៃ ម៉ាក់ក៏ទុកកូនអោយនៅជាមួយអ្នកគ្រូ ពេលម៉ាក់ចេញមក ម៉ាក់លួចមើលកូនតាមបង្អួច ម៉ាក់ឃើញកូនយំ យំនោះយំ តែមិនមាននរណាលួងកូនសោះ គ្រូម្នាក់នោះទុកកូនអោយយំតែម្នាក់ឯង ក្នុងចិត្តម៉ាក់ក្ដុកក្ដួលណាស់ ម៉ាក់រលីងរលោងទឹកភ្នែក ម៉ាក់បន់អោយតែដល់ម៉ោងចេញលេង ម៉ាក់នឹងអាលចូលទៅលួងកូន។ ទីបំផុត ម៉ាក់សុំដូរកូនអោយទៅរៀនជាមួយគ្រូម្នាក់ទៀត ដែលមានការយកចិត្តទុកដាក់ខ្ពស់ចំពោះសិស្សថ្មី។ បានតែមួយអាទិត្យប៉ុណ្ណោះ កូនអាចទៅរៀនតែម្នាក់ឯងដោយរីករាយ។ នាងនាង កូនរៀនពូកែជាងគេនៅក្នុងថ្នាក់ ខែណាក៏កូនរៀនបានលេខ១ដែរ កូនជាកូនដែលធ្វើអោយម៉ាក់ញញឹមបិទមាត់មិនជិត រាល់លើកដែលមានការជួបពិភាក្សារវាងអ្នកគ្រូនិងមាតាបិតាសិស្ស។ កូនមានការចងចាំល្អបំផុត អ្វីដែលម៉ាក់ប្រាប់ឬពន្យល់ តែម្ដងប៉ុណ្ណោះ កូនក៏អាចចងចាំបាន។ ម៉ាក់នឹកដល់គ្រាមួយនោះ កូនអាយុជាងមួយឆ្នាំប៉ុណ្ណោះ កូនអង្គុយលើភ្លៅប៉ាប៉ាកូន មើលរូបភាពក្នុង កុំព្យូទ័រ ពេលឃើញរូបផ្លែប៉េងប៉ោះទុំ កូនសំរូតចុះពីប៉ាប៉ារត់មកបើកសៀវភៅតូចរបស់កូន ដែលមានរូបដូចគ្នានឹងរូបនៅក្នុង កុំព្យូទ័រ ចង្អុលប្រាប់ម៉ាក់និងប៉ាទាំងមិនទាន់ចេះនិយាយផងថា«អ៊ុះៗ» ទើបម៉ាក់ដឹងថា ក្មេងពិតមែនតែមិនទាន់ចេះនិយាយមែនតែ គេអាចសំគាល់បាននូវអ្វីដែលគេធ្លាប់បានឃើញ។
យប់នេះ កូនស្រាប់តែធ្វើអោយម៉ាក់អស់សំណើចនឹងសំដីកូន។ ក្រោយពេលបាយល្ងាចរួច កូនមើលល្ខោនបាសាក់ទូរទស្សន៍ ទទក ពេលចេញដល់តួយក្ខ កូនសើចបណ្ដើរនិយាយប្រាប់ម៉ាក់បណ្ដើរថា «ម៉ាក់ហា៎ យក្ខនេះ ធាត់អីក៏ធាត់ម៉េះទេ មើលចុះ លោតចេញក្បាច់មិនចង់រួចទេ» ម៉ាក់ដែលកំពុងតែលេង«ហ្វេសប៊ុក» ក៏ចាក់បណ្ដោយនឹងកូនទាំងមិនមើលទូរទស្សន៍ថា«យក្ខហ្នឹង បែបផឹកស៊ីរាល់យប់ហើយកូន» កូនក៏តបថា «មែនហើយម៉ាក់ បែបយក្ខចូលចិត្តតែញ៉ាំ Hot dog Pizza Humburger French fries រាល់ថ្ងៃហើយបានជាធាត់ចឹងនោះ!» …..យី ម៉ាក់មិនដឹងសោះថា នៅស្រុកយក្ខមានរបស់អស់នេះញ៉ាំដែរសោះណ៎!!!! ពិតជាគួរអោយហួសចិត្តនឹងសំដីក្មេងៗណាស់!!!
មើលអត្ថបទស្រដៀង៖ អ្វីដែលម្ដាយម្នាក់នេះចង់កត់ត្រាទុក៖ នូនូកាលពីអាយុ២ឆ្នាំ
អ៊ំក៏ដូចយក្សហ្នឹងដែរ 😀 អ៊ំចូលចិត្តរបស់ទាំងអស់ហ្នឹងដែរ!
ចុះមួយៗក៏មានអីល្អៗគួរឱ្យចង់សើចម៉្លេះ? នាងនាង ដូចម៉ាក់បេះបិទតែម្តងហើយ ដូចសូម្បីតែញញឹម។
ចូលចិត្តចូលចិត្ត
បើអ៊ំចូលចិត្តរបស់អស់ហ្នឹង ចាំពេលណាអ៊ំទៅញ៉ាំហៅនាងនាងផង ព្រោះនាងក៏ចូលចិត្តដូចអ៊ំនិងយក្សដែរ 😆
ចូលចិត្តចូលចិត្ត
ស្អាតមែន តែមិនមែនដូចម៉ាក់ទេគឺស្អាតជាងម៉ាក់ !
ចូលចិត្តចូលចិត្ត
អរគុណ ដែលសសើរកូន ហើយបង្អាប់ម៉ាក់វា 😆 និយាយលេងទេបង ផ្ទះបងឥឡូវស្ងាត់ម៉េះបង រវល់ការងារពេកហេ៎ស?
ចូលចិត្តចូលចិត្ត
សុំច្បាប់សម្រាកចូលឆ្នាំថ្មី !
ចូលចិត្តចូលចិត្ត
បានកូនស្រីទាំងអស់មែនទេបង! សុំទៅទុកមុនណា ហើយមិនគិតតាមយកកូនប្រុសមួយទៀតទេហី?
ចូលចិត្តចូលចិត្ត
ចាំគិតមើលសិន 🙄 តែកូនស្រីក៏ដោយ តែបានកូនប្រសាទៅដូចបានកូនប្រុសហើយ 😉
ចូលចិត្តចូលចិត្ត
មែន
ចូលចិត្តចូលចិត្ត
បង កូនបងទាំងពីរនាក់ហ្នឹង មុខស្រដៀងគ្នា ខុសតាភ្នែកទេ!នូនូភ្នែកមូលស្អាត ចំនែកឯនាងនាង វិញភ្នែកកាត់ដូចកូនចិន(ដូចម៉ាក់)?
ចូលចិត្តចូលចិត្ត
នាងនាងជា ចិនខ្មៅ 😉
ចូលចិត្តចូលចិត្ត
ក្មួយនាងសំបុរជ្រះតើ ខ្ញុំបានសំបុរខ្មៅ…
ហាសហា សុំសើចមួយចុះ(បងមិនដែលឃើញមុខញ៉ុមផង ធ្វើម៉េចបងដឹង???)
បើបងថាអោយនាងនាង ចិនខ្មៅ ចឹងញ៉ុមមិនសំរិទ្ធទៅហើយទេ!!!
ចូលចិត្តចូលចិត្ត
លើកមេដៃមួយ ចូលចិត្តឃីវើត សម្បុរសំរិទ្ធ 😀
(តែតាម៉ាប់ដឹង ផា ពីរឿងខេមរយានកម្មទៀតហើយ)
ចូលចិត្តចូលចិត្ត
ម៉េចចឹងបង??
ហាសហា ចង់តាសើចហេ «ឃីវើត» ញ៉ុមបើកវចនានុក្រមជួន ណាត អត់ឃើញ!!!!
ចូលចិត្តចូលចិត្ត
ចិនសំរិទ្ធឬ ក៏ខ្មែរសំរិទ្ធទៅចឹង? 😉
ចូលចិត្តចូលចិត្ត
ខ្មែរសំរិទ្ធចាស! កូនខ្មែរសុទ្ធតែពេលចូលឆ្នាំចិនសែនដែរ…!
ហាសហា…!
ចូលចិត្តចូលចិត្ត
យស៍មានអ្នកមកឆ្លើយឆ្លងរឿងសម្បុរទៀតហ្ន៎!
ចូលចិត្តចូលចិត្ត
(មុនឆ្លើយងាកមើលក្រោយសិន អត់មានពីណានៅក្រោយខ្នងផង ចឹងបងកល្យាណថាអោយខ្ញុំតាស ) បើមិនអោយឆ្លើយឆ្លងម៉េច ក្រែងទាំងអស់គ្នាហ្នឹងកំពុងនិយាយនៅក្នុងផ្ទះខ្ញុំទេហី ង៉ាស់ៗៗៗៗៗ 😀
ចូលចិត្តចូលចិត្ត
មើលមុខកាត់ទៅម្តាយសុទ្ធហើយ… ខ្ញុំអត់ទាន់មានកូនអួតនឹងគេ សុំអស់យោបល់ហើយ… 😀
ចូលចិត្តចូលចិត្ត
អត់មានអីអួត យ៉ាងហោចណាស់ក៏បានអើតៗផ្ទះខ្ញុំដែរ 😀
ចូលចិត្តចូលចិត្ត
ខ្ញុំសូមសរសើរអំពីអត្ថបទរបស់បង ពេលខ្លះក៏មានការច្រណែនពីក្តីសុខក្នុងគ្រួសារបងដែរ។
ចំនែកកូនៗរបស់បងស្អាតទាំងអស់ហើយ គួរអោយស្រឡាញ់ណាស់!!!!!
ចូលចិត្តចូលចិត្ត
អរគុណដែលបានចូលមកលេងនៅទីនេះ 😀
ចូលចិត្តចូលចិត្ត
ខ្ញុំក៏រីករាយដែលបានស្គាល់បងដូចគ្នា
All the best to your family bong!
ចូលចិត្តចូលចិត្ត
hehehe ដូចគ្នា!
ចូលចិត្តចូលចិត្ត