Category Archives: វិជ្ជាមេផ្ទះ

ទែន ទែន ទែន My spaghetti bolognese


សាកធ្វើរួចហើយចាស កូនៗញ៉ាំបានច្រើន ហើយលើកមេដៃអោយ២នាក់ មានតែពេជ្រ the baby ទេដែលមិនព្រមសាក។ វិធីធ្វើងាយៗទេ គ្រាន់តែត្រូវគ្រឿងផ្សំច្រើនបន្តិច តែចំពោះខ្ញុំ ខ្ញុំមិនប្រើម្ទេសនិងស្រាទេ ខ្ញុំប្រើតែទឹកប៉េងប៉ោះ និងគ្រឿងផ្សំឯទៀត ដែលអាចងាយរកបាននៅតាមផ្សារ។ Spaghetti ប៉េងប៉ោះនិងខ្ទឹមបារាំងចិញ្ច្រាំ សាច់គោចិញ្ច្រាំ រសជាតិដែលបានមកមិនអន់ទេ អាចទទួលយកបាន upon my girls’ opinions ;-) After all they said Mom’s cooking is the best :-P

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | មតិ 4

វិជ្ជាមេផ្ទះ៖ វិធីធ្វើជ្រក់ក្រអៅឈូកអោយស្រួយឆ្ងាញ់


ជ្រក់ក្រអៅជូក ញ៉ាំជាមួយត្រីអាំងសាបក៏បាន ញ៉ាំជាមួយមាន់ប្រឡាក់អាំងក៏ត្រូវ ញ៉ាំជាមួយសាច់ជ្រូកប្រឡាក់ក៏រឹតតែពិសេស :-D  :-D  :-D ឃើញថាមិនទាស់អីទេ ។ ខាងក្រោមនេះ ខ្ញុំសូមជូនពីវិធីធ្វើជ្រក់ក្រអៅឈូក៖ គ្រឿងផ្សំ ក្រអៅឈូក ១០ដើម កោសអោយស្អាត ខ្ទឹមសបុកម្ទេសស្រេច ២ស្លាបព្រាកាហ្វេ អំបិល ៣ស្លាបព្រាកាហ្វេ( អ្នកខ្លះប្រើទឹកត្រី តែខ្ញុំប្រើអំបិល ព្រោះវាមិនធំស្អុយទឹកត្រី) ស្ករស ៥ឬ៦ស្លាបព្រាកាហ្វេ ជ្រក់ម្ទេសផ្លោកដែលមានលក់ស្រាប់នៅផ្សារ ( មិនដាក់ក៏បាន ខ្ញុំដាក់យកសម្រស់ជ្រក់ប៉ុណ្ណោះ :-D ) ក្រូចឆ្មារ ៣ផ្លែ ច្របាច់រួច វិធីធ្វើ កោសលាងក្រអៅឈូករួច កាត់កង់ៗប្រវែងមួយថ្នាំងដៃ។ ដាំទឹកពុះ រួចស្រុះ ក្រអៅឈូក តែម៉ាផ្លូកបានហើយ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | មតិ 11

វិជ្ជាមេផ្ទះ៖ កាពិឆាសាច់ជ្រូក


កាពិឆា​សាច់ជ្រូកជា​មុខ​ម្ហូប​មួយមុខ​ដែល​កូន​ស្រីទាំង​បី​របស់​ខ្ញុំ​ចូលចិត្ត មានតែ​មុខ​នេះទេ​ ដែល​ពួកគេ​ចូលចិត្តដូច​គ្នា។​ មួយមុខ​នេះ​មិនពិបាក​ចម្អិន សាំញ៉ាំដូច​ បុកកាពិ ទេ មិនមានប្រើត្រីឆ្អើរ ប្រើតែ​សាច់ជ្រូក​ចិញ្ច្រាំ ឯបន្លែអន្លក់​ក៏​មិន​ ក្បូរក្បាច់ច្រើន​ដែរ។ គ្រឿង​ផ្សំ៖ ១. សាច់ជ្រូកបីជាន់ ចិញ្ច្រាំ៣០០ក្រាម ២. ម្ទេសឆ្អើរ ៣ ឬ៤​ផ្លែ ត្រាំទឹក រួច​ចិញ្ច្រាំ​ម៉ត់ ៣. ខ្ទឹម​ស ១មើម​ធំ ខ្ទឹមក្រហម ៥កំពឹសតូច ចិញ្ច្រាំ​ម៉ត់ ៤. កាពិ មួយ​ស្លាបព្រាបាយ ត្រាំទឹក បន្តិច ជ្រុំអំពិលទុំអត់គ្រាប់ ១ដុំប៉ិនមេជើង អោយស្រេច ៥. ស្ករត្នោត វិធីធ្វើ៖ ដាក់ប្រេងឆាក្នុង​ខ្ទះ អោយក្ដៅ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | មតិ 22

វិជ្ជាមេផ្ទះ៖ ញាំសារ៉ាយសមុទ្រ


មួយមុខនេះជា ម្ហូបអ្នកខេត្តជាប់សមុទ្រ អ្នកកំពត ឯវិធីធ្វើមិនសូវខុសគ្នាពីញាំផ្សេងៗទេ។ ជាដំបូង ខ្ញុំសូមរៀបរាប់ជូនគ្រឿងផ្សំ៖ គ្រឿងផ្សំ សារ៉ាយសមុទ្រ ជីរអង្កាម ស្វាយឬម្កាក់ខ្ចី សាច់មាន់ បង្គាក្រៀម ទឹកត្រីបុកនឹងខ្ទឹមសម្ទេស សណ្ដែកដីលីង វិធីធ្វើទឹកត្រីបុក បុកខ្ទឹមស និងម្ទេសចូលគ្នា ថែមទឹកត្រី ស្ករស និងក្រូចឆ្មារចូល ភ្លក្សមើលអោយប្រៃផ្អែមល្មមបានហើយ មិនគួរដាក់ក្រូចឆ្មារច្រើនទេ ព្រោះក្នុងញាំ យើងមានប្រើស្វាយខ្ចីហើយ។ ខាងក្រោមនេះជាវិធីធ្វើ៖ វិធីធ្វើ សារ៉ាយសមុទ្រ លាងរើសស្អាត ស្រុះទឹកក្ដៅម៉ាជ្រលក់ រួចត្រាំទឹកក អោយស្រួយ រួចស្រង់ឡើងអោយស្រស់ទឹក។ បេះជីរអង្កាម ស្វាយខ្ចីសាប់ រួចលាយលុកជាមួយសារ៉ាយ។ បង្គាក្រៀម ត្រាំទឹកក្ដៅ រួចស្រង់ឡើងអោយស្រស់ទឹក សឹមបុកអោយបែកទន់បន្តិច។ មាន់ខ្មែរ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | មតិ 8

វិជ្ជាមេផ្ទះ៖ ឆ្នាំងភ្លើង ត្រកួនទឹកប្រហុក


មួយមុខនេះ ខ្ញុំធានាថា បើមិនធ្វើខ្លួនឯង គឺពិបាករកនៅតាមហាងណាស់។ ខ្ញុំចេះតគ្នា តាមក្រុមគ្រួសារ តាំងពីចេះធ្វើចេះហូប មិនដែលឃើញមានហាងណាបើកលក់ម្ហូបស៊ុបទឹកប្រហុកបែបនេះទេ (ស៊ូគីស៊ុបបែបខ្មែរ :-D )។ សូមបង្ហាញនូវគ្រឿងផ្សំ និងវិធីធ្វើ ដូចតទៅនេះ៖ គ្រឿងផ្សំ ខ្ទឹមស ក្រហម រំដេង លីងអោយឈ្ងុយ រួចបុកអោយបែក គល់ស្លឹកគ្រៃហាន់ សណ្ដែកដីលីង រួចដំអោយបែក ទឹកដូងខ្ចី(បួនផ្លែ) ក្រូចឆ្មារ ប្រហុកត្រីកំភ្លាញ (ដូងបួនផ្លែ ប្រើប្រហុកប្រហែលកន្លះខាំ) ស្ករស អំបិល ទឹកត្រី សាច់គោ ហាន់ស្ដើងៗ សាច់ត្រីឆ្ដោរ ពន្លះឆ្អឹងចេញ ហាន់បន្ទះៗ ត្រកួន ឆាកឬសកអោយខ្លី នំបញ្ចុក វិធីធ្វើ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ | មតិ 23

វិជ្ជាមេផ្ទះ៖ មាន់កប់ស្ពៃខ្មៅ


ម្ហូបមួយមុខនេះ ខ្ញុំរៀនធ្វើបីដងហើយ(អត់គ្រូអត់ត្រូវ ទាល់តែសួរមីងអ្នកធ្វើការជាមួយគ្នា ទើបដឹងក្បួន) ពេលនេះទើបធ្វើបានទទួលរសជាតិ​ដែលត្រូវមាត់។ ពេលនេះសូមជូនវិធីធ្វើ ចែកជូនញាតិមិត្តយើង៖ គ្រឿងផ្សំ ស្ពៃខ្មៅ ៨ខាំ សកយកតែធាង មាន់មួយចំហៀង ប្រេងល្ង ម្ស៉ៅស៊ុប ទឹកស៊ីអ៊ីវ ស្ករស ប្រេងខ្យង ខ្ទឹមសចិញ្ច្រាំ វិធីធ្វើ ស្រុះស្ពៃ ប្រហែល១០វិនាទី( ទឹកស្រុះដាំអោយពុះ ដាក់ទឹកក្បុងមួយចានចង្កិះនិងប្រេងឆាពីរបីដំណក់ ខ្ញុំនឹងនិយាយពីវិធីធ្វើទឹកក្បុង​នៅខាងក្រោម) រួចស្រង់ស្ពៃត្រាំក្នុងទឹកកក អោយត្រជាក់សព្វស្ពៃ ធ្វើរបៀបនេះ ស្ពៃនឹងស្រួយល្អ ហើយមិនមានជាតិល្វីង។ ក្រោយពីត្រាំត្រជាក់សព្វហើយ ស្រង់ឡើងពូតទឹកចេញអោយអស់ រួចលាយទឹកស៊ីអ៊ីវ កន្លះស្លាបព្រាបាយ ប្រេងល្ងកន្លះស្លាបព្រាកាហ្វេ ម្ស៉ៅស៊ុប កន្លះស្លាបព្រាកាហ្វេ និងស្ករសមួយចិប។ លាយចូលគ្នា អោយសព្វទុកមួយឡែកអោយចូលជាតិ។ មាន់ចំហុយអោយឆ្អិន … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , , | មតិ 13

វិជ្ជាមេផ្ទះ៖ ឆ្នាំងភ្លើង យ៉ាហន(ឬចៅហន)


ខ្ញុំសូមស្វាគមន៍ឆ្នាំថ្មី ជាមួយវិជ្ជាមេផ្ទះ គឺឆ្នាំងភ្លើងយ៉ាហន។ មុខម្ហូបមួយមុខនេះ សាកសមសម្រាប់កម្មវិធីជួបជុំក្នុងគ្រួសារ​ ជប់លៀងតូចធំបាន ឯវិធីធ្វើមិនជាពិបាកទេ គ្រាន់តែត្រូវការពេលយូរបន្តិចដើម្បីរៀបចំ។ ជាដំបូង ខ្ញុំសូមរៀបរាប់នូវគ្រឿងផ្សំ គ្រឿងផ្សំទឹកឆ្នាំងភ្លើង ដូងពូតរួច ប្រហែល៣លីត្រ ខ្ទឹមស ក្រហម និង​រំដេង លីងអោយឈ្ងុយ រួច​បុកអោយបែកល្អិត គ្រឿងសាតេ ២កញ្ចប់ ស្ករស អំបិល និងទឹកត្រី ទឹកក្រូចឆ្មារ កន្លះចានចង្កឹះ ឆ្អឹងជ្រូក ស្ងោររម្ងាស់ស្រេច របៀបធ្វើទឹកឆ្នាំងភ្លើង ចាក់ទឹកដូងដែលពូតហើយ ចូលក្នុងឆ្នាំងឆ្អឹងស៊ុបដែលបានរម្ងាស់ហើយ រួចដាំអោយពុះ ទើបថែមខ្ទឹមនិងរំដេងលីង គ្រឿងសាតេ អំបិល ស្ករស ទឹកត្រីចូល ដល់ពុះសព្វ ថែមទឹកក្រូចឆ្មារ ភ្លក្សមើលអោយមានជាតិប្រៃផ្អែមជូរ ទើបបិតភ្លើងទុកមួយឡែក។ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | មតិ 10

វិជ្ជាមេផ្ទះ៖ ភ្លាកំពឹស​ត្រយ៉ូងចេក


ភ្លាកំពឹសត្រយ៉ូងចេក ជាម្ហូប​សម្រាប់ក្លែម(យកគ្នាជាមួយទឹកត្នោតជូរ ​ហេសហេ​ :D)​ហើយមួយមុខនេះខ្ញុំចេះពីខាងម៉ាយហាន់នី(ប៉ាអាបីនាក់)​ មិនមែនគាត់ចេះធ្វើទេ គឺគាត់ចេះហូប ហើយគាត់ប្រាប់ពីគ្រឿងផ្សំ​ រួចហើយខ្ញុំលៃលកធ្វើតាមទៅ​ :D។ ភ្លានេះ បើអ្នកក្លែមគេប្រើកំពឹសឆៅ ឬកំពឹសរស់​ តែដល់ខ្ញុំតមសត្វរស់ ខ្ញុំទិញរកតែកំពឹសដែលងាប់ស្រាប់ រួច​យក​មក​ចំហុយ​ម៉ាចំអិន​ល្មម​នៅរសជាតិផ្អែម ទើបលាយញាំភ្លា។ ចូលដល់គ្រឿងផ្សំ​និង​វិធីធ្វើម្ដង៖ គ្រឿងផ្សំ ត្រយ៉ូងចេកមួយ ហាន់ ជីរគ្រប់មុខ (អាចថែមស្បៃរឿងទៀតក៏បាន តាមចំណូល) សាឡាដ៏​ (សម្រាប់ខ្ចប់) កំពឹស​ ចំហុយមួយចម្អិន(ទុកអោយត្រជាក់បន្តិច) ទឹកប្រហុក​ សម្រាប់ជ្រលក់ វិធីធ្វើទឹកប្រហុកសូមចុចទីនេះ វិធីធ្វើ យកត្រយ៉ូងចេកហាន់រួច លាយជាមួយជីរគ្រប់មុខអោយសព្វ ទើបដាក់កំពឹសដែល​ចំហុយនោះមកលាយដែរ។ ដល់ពេលហូប យកសាឡាដ៏ខ្ចប់ កំពឹសត្រយ៉ូងចេកជីរ រួចជ្រលក់ទឹកប្រហុក ដាក់ចូលមាត់ជាការស្រេច :mrgreen: ។ … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , , | មតិ 7

របៀបចងសក់ជាសំណាញ់សម្រាប់ក្មេងស្រី


ខ្ញុំទំនេរពេក surf ចុះ surf ឡើងក្នុងយូធូប ចេះពីរបៀបចងសក់អោយ my cute little princesses. នេះជាវិធីធ្វើ៖ ឯនេះជាស្នាដៃម៉ាក់ម៉ាក់ ធ្វើសក់ពេជ្រពេជ្រ បញ្ជាក់៖ ទម្រាំហើយ ចង់ដាច់ខ្យល់អ្នកចង ព្រោះថាប្រវ៉ាយគ្នាជាមួយកូនក្ដាមឡើងវិលមុខ ក៏ប៉ុន្តែ លទ្ធផលដែលបានមក Yeah! I am so proud of myself :-D :-D :-D :-D :-D

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , | មតិ 4

វិជ្ជាមេផ្ទះ៖ សម្លប្រហើរខួរក្ដាមននោង


សម្លខួរក្ដាមននោង ជាម្ហូបពិសេសតែមួយគត់ដែលខ្ញុំ ជាចុងភៅខ្លួនឯងញ៉ាំមិនចេះណាយ។ ដោយហេតុថាវាពិបាកសាំញ៉ាំច្រើនក្នុងការចម្អិន ខ្ញុំក៏មិនសូវមានពេលបានស្លដែរ ចង់ញ៉ាំម្ដងៗទាល់តែថ្ងៃចុងសប្ដាហ៍ ទើបស្លបានញ៉ាំ។ សម្លខួរក្ដាមនេះ ចំណាយស្លអស់លុយតិចមែន (អស់តែម៉ាឆ្នាំង ៧ពាន់រៀលយ៉ាងច្រើនអាចអោយមនុស្សម៉ាផ្ទះហូបឆ្អែតហើយ នេះសម្រាបអ្នកផ្សារដូចខ្ញុំ) តែសម្លនេះឆ្ងាញ់ និងផ្ដល់ប្រយោជន៍ច្រើនដល់រាងកាយ ក្ដាមដែលបុកផ្ដល់នូវកាល់ស្យូមជំនួយដល់ការលូតលាស់របស់ឆ្អឹង ឯននោងជាបន្លែដែលមានជាតិកាកសសៃសម្រួលដល់ពោះវៀនផងដែរ។ ម្ហូបមួយមុខនេះ នាងនាងរបស់ខ្ញុំចូលចិត្តណាស់ កាលឪពុកក្មេកខ្ញុំនៅរស់គាត់ក៏ចូលចិត្តសម្លនេះដែរ គាត់តែងសរសើរថាខ្ញុំស្លត្រូវមាត់គាត់ល្មម។ អ្នកខ្លះអាចនឹងយល់ថា គ្រាន់តែសម្លស្រែៗអញ្ចឹងក៏លើកយកមកនិយាយដែរ តែត្រូវដឹងថាក្មេងៗខ្លះ ចេះតែញ៉ាំទេ មិនដឹងថាគេធ្វើយ៉ាងម៉េចទើបបានខួរក្ដាមយកមកស្លផង។ ខាងក្រោមនេះជាវិធីចម្អិនរបស់ខ្ញុំ៖ គ្រឿងផ្សំ ១ ក្ដាមស្រែបករួច  ១គីឡូក្រាម (ខ្ញុំជាអ្នកកាន់ប៉ាណាតិប៉ាតា ចឹងហើយខ្ញុំតែងតែទិញសត្វស្លាប់ហើយ :-D ) ២ ននោង២ផ្លែធំល្មម ៣ ម្អមស្រែ(ស្រែង៉ោងបានឈ្ងុយ) ៤ អំបិល … Continue reading

បានផ្សាយ​ក្នុង វិជ្ជាមេផ្ទះ | បានដាក់ពាក្យ​គន្លឹះ , , , | មតិ 32